Trafik i rënduar këtë të Hënë në kryeqytet.
Tirana është gdhirë ditën e sotme me një situatë trafiku të rënduar.
Situata ka qenë e tillë në shumë akse të kryeqytetit. Për ta rënduar më shumë trafikun, ndikojnë dhe qarkullimi i mjeteve të rënda si betonierët, që në fakt e kanë të ndaluar të qarkullojnë gjatë orëve të ditës.
Situata e trafikut në Tiranë prej kohësh tashmë është kthyer në makth për drejtuesit e mjeteve. Pritjet e zgjatura në trafik janë kthyer në një situatë normale në Tiranë. Problematike situata shfaqet si brenda qytetit ashtu edhe në pikat hyrëse dhe dalëse të Tiranës, sidomos gjatë fundjavës.
