Gjykata e Posaçme kundër Krimit të Organizuar dhe Korrupsionit ka dënuar me 1 vit e 6 muaj burgim për korrupsion Ervin Nelajn, ish-kreun e Kadastrës së Beratit.
SPAK kishte kërkuar 3 vite burgim për Nelajn, por trupa gjykuese e GJKKO vendosi 1.6 vite burgim ndaj tij.
Organi i akuzës, në bazë të përgjimeve, ka arritur të zbulojë se Nelaj kërkonte para për të bërë legalizimin e pronave të qytetarëve. Në dosjen e SPAK, thuhet se ai në këmbim të parave ka miratuar legalizimin e ndërtimeve pa leje edhe pse ligji nuk ia lejonte.
Në një nga përgjimet me një nga vartëset e tij, sipas SPAK, ata flasin për një shumë parash që punonjësja duhet t’ia linte shefit në tavolinën e tij pasi “kishin mbaruar punë” me legalizimin e një ndërtimi pa leje.
Po ashtu, me 1 vit e 4 muaj është dënuar Xhekisa Toto, e cila ishte e pandehur bashkë me Nelajn.
