Kreu demokrat Lulzim Basha u shpreh sot në mbledhjen e Grupit Parlamentar të PD se është emergjente ngritja e 3 komisioneve hetimore parlamentare. Sipas Bashës, këto komisioneve do të hetojnë masakrën zgjedhore të 25 prillit, çështjen Beccheti dhe Inceneratorët.
Komisioni për masakrën zgjedhore pritet të drejtohet nga Enkelejd Alibeaj, ai për çështjen Beccheti pritet të drejtohet nga Gazment Bardhi, ndërsa ai për Inceneratorët nga Jorida Tabaku.
Gjithashtu burimet brenda selisë blu bëjnë me dije se pritet që të formohen grupet që do të diskutojnë për ribërjen e reformës territoriale, asaj kushtetuese dhe zgjedhore. Basha ka kërkuar që të ngrihen 3 komisione të rëndësishme hetimore.
Porositë e kreut demokrat
1- Komision hetimor për Masakrën Zgjedhore, qe u konfirmua edhe nga raporti i OSBE/ODIHR . Parësore për këtë komision hetimor do të jetë vjedhja e të dhënave private dhe personale të shqiptarëve, keqpërdorimi i aseteve dhe funksioneve publike, abuzimi me fondet e rindërtimit për qëllime elektorale, abuzimi me legalizimet në këmbim të votës. Punësimet e paligjshme në administratën publike dhe blerjen e votës .
2- Komision hetimor për çështjen Becchetti. Lufta personale e Edi Ramës me sipërmarrëisn italian do t’u kushtojë qytetarëve më shumë se 120 milionë euro.
3-Komision hetimor për Inceneratorët, një aferë mafioze, kriminale që përfshin zyrtarët më të lartë të shtetit shqiptar. Kallëzimet tona penale vazhdojnë të zënë pluhur nëpër prokurori.
Deklarata e plote pas mbledhjes se Grupit Parlamentar
Gjendja me të cilën ballafaqohen shqiptarët. Sot INSTAT ka publikuar të dhëna që cdo prind e prek në tavolinën e bukës, kjo është varfëria ekstreme nga rritja galoponte e çmimeve dhe vazhdoi me të tjerat në tërësi, por edhe gazit, naftës, energjisë dhe ujit, e kështu me radhë.
Nuk mund të rrimë në rrafshin e denoncimit edhe pse fajtori dihet, politikat zhvatëse. Në cdo aspekt paratë i çon nga qytetarët te këto xhepa dhe për të goditur këtë sjellje dhe për të sjellë një lehtësim, grupi i PD-së do të depozitojë një propozim për të vendosur uljen e TVSH-së mbi mallrat e shportës ushqimore nga 20-6%, për të gjitha ato mallra që afektojnë jetën e përditshme të qytetarëve. Nuk është thjesht një propozim politik, por një hap i domosdoshëm për të ndihmuar njerëzit në nevojë ekstreme. Ky është edhe një veprim politik, me forcën që shqiptarët na kanë dhënë ne do të kërkojmë uljen e TVSH-së duke provuar qartë se ky shtet, e ka mundësinë që duka ua hequr paratë, një grushti njerëzve dhe t’u shërbejë 97% të shqiptarëve për këtë krizë të thellë ekonomike përmes rritjes së çmimeve bazë.
E dyta ka të bëjë me atë pse jemi në parlament ne, kthimit të legjitimitetit dhe tre komisionet do të targetojnë; i pari masakrën zgjedhore, që nga sistemi kriminal i patronazhistëve, tek keqpërdorimi i fondit të tërmetit, legalizimet dhe punësimet.
I dyti është për cështjen Beccheti, që shqiptarëve u duhet të paguajnë 120 milionë euro.
E treta ka të bëjë me inceneratorët. Këto janë fillimi i ofensivës parlamentare.
Kam edhe një mesazh për drejtësinë që të bëjë punën e saj, pasi nëse do të ishte në lartësinë e saj, shumica e këtyre cështje do të kishte të pandehur me pranga në duar” deklaroi Basha.
