Partizani barazoi dje 1-1 me Vllazninë në “Elbasan Arena”. Të kuqtë nuk ia dolën as në ndeshjen e tretë të sezonit që të merrnin tri pikët, me Rrapaj që shpëtoi Demat në të 88 minutë. Në këtë duel, duket se Daja kishte gjetur defektet e skuadrës, duke ndryshuar mbrojtjen.
Me tre lojtarë në prapavijë ishte vendosur Partizani, që edhe në këtë ndeshje nuk ishte shumë i qartë në fazën e sulmit. Gabimet e Damcevskit në ndeshjen e fundit, bënë që Daja të linte në stol gjigantin, duke i besuar Belicës, Shehit dhe Mustës.
Nga lëvizjet në formacion, ende Daja nuk po kolaudon dot ekipin që u plotësua me lojtarë vetëm në fundin e sezonit.
