Ditën e sotme mbahen zgjedhjet në Gjermani, ku një nga kandidatët është dhe shqiptari Kolë Gjoka, i cili kandidon në radhët e CDU-së.
Kolë Gjoka thotë per Fax News se nukë shtë e lehtë të konkurrosh në Gjermani duke pasur parasysh imazhin që kanë shqiptarët atje, por ai thotë se nuk i trembet sfidave.
Vështirësinë më të e madhe ai e sheh te rivalët e tij, të cilët para katër vitesh kur u bë shqiptari i parë që kandidon për Bundestag i kishte kolegë, ndërsa tani duhet të përballet me ta.
“Për mua ky kandidim është i dyti. Kam kandiduar edhe para katër vitesh. Kam qenë i pari shqiptar që kandidon për Bundestagun gjerman. Jam shumë i kënaqur që tani nuk jam i vetëm. Ka shumë vështirësi jo vetëm për konkurrencën por edhe për imazhin që kishim ne shqiptarët këtu në Gjermani. Unë nuk frikësohem. Vështirësia më e madhe është fakti që tashmë jam konkurrenti Kola ndërsa para 4 vitesh isha kolegu Kola. Nga Shqipëria kandidoj vetëm unë, ndërsa nga Kosova janë dhe 4 të tjerë. Të gjitha në parti të ndryshme”, tha Gjoka.
Për situatën në votime deri në këto momente, Kolë Gjoka deklaroi se është e qetë dhe se në drekë pritet të rritet numri i qytetarëve qëe i drejtohen qendrave të votimit.
“Procesi deri në këto momente raportohet i qetë. Njerëzit në pjesën e drekës sidomos dalin për votim. Nuk ka radhë. Sipas republikave kanë ligjet e tyre për masat pandemisë. Besoj që këtë radhë pjesmarrja në votime do të jetë më e lartë para katër vitesh. Do të jetë një vend industrial por do të shikohet dhe pjesa tjetër për ruajtjen e klimës“, theksoi ai.
Kolë Gjoka nuk harroi të vlerësonte Angela Merkel-in, për rëndësinë e së cilës tha se gjermanët do ta kuptojnë pas disa vitesh.
“Momentalisht zonja Merkel është më e kuotuara këtu. Nuk ka qenë kështu para dy vitesh. Normalisht ka konsumim , por qytetari gjerman do ta kuptojë pas disa vitesh sa e rëndësishme ishte zonja Merkel për Gjermaninë dhe vendimet e saj për ruajtjen e Europës. Kjo do të ndikojë më shumë në politikën europiane se në politikën gjermane. Ajo është një staturë politike europiane. Nuk besoj se do të ketë ndryshim të madh për raportet me Shqipërinë, pasi Gjermania ka mbështetur gjithmonë integrimin er Shqipërisë. Pengesat që kam hasur janë problemet e brendshme mes Gjermanisë dhe Francës, dhe ne jemi midis këtyre gjigandëve ne përplasjen e tyre”, deklaroi ai.
