Shërbimet e policisë njoftojnë mesditën e sotme se kanë arrestuar tre shtetas si dhe kanë proceduar penalisht tre të tjerë për posedim të lëndëve narkotike.
Ngjarja raportohet të ketë ndodhur në aksin rrugor Shëngjin-Lezhë, ku si rezultat u kapën dhe u arrestuan në flagrancë shtetasit:
I.D., 40 vjeç, banues në Norvegji, D.S.,40 vjeç, banues në Itali dhe F.Xh., 23 vjeç, banues në Tiranë dhe u proceduan penalisht shtetasit A.Q.,27 vjeç, banues në Kosovë, M.A., 34 vjeç, banues në Arabi Saudite, J.I., 36 vjeç, banues në Kosovë.
Këtyre shtetasve, gjatë kontrollit të ushtruar nga shërbimet e Policisë, iu janë gjetur dhe sekuestruar në cilësinë e provës materiale doza me lëndë narkotike të llojit kokainë, ekstazi dhe canabis sativa.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Prodhimi dhe shitja e narkotikëve”.
