Plagosje me armë zjarri në Lushnje

Një 65 vjeçar është plagosur me armë zjarri mëngjesin sotëm në Lushnje.

Policia bën me dije se shtetasi Faik Veliu nga fshati Ngurrëz e Vogël është plagosur me armë jashtë banesës së tij, dhe ndodhet në spital nën kujdesin e mjekëve.

Burimet paraprake njoftojnë se i plagosuri është qëlluar nga një person ende i paidentifikuar, teksa policia ka filluar tashmë krehjen e zonës për të rënë në gjurmët e autorit.

Njoftimi:

Lushnjë/Informacion paraprak

Sot rreth orës 05:00, në fshatin Ngurrëz e Vogël, Lushnjë, në territorin e jashtëm të banesës së tij, në rrethana ende të paqarta është plagosur me armë zjarri shtetasi F. V., 65 vjeç, i cili ndodhet në spital, nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe vijon punën për sqarimin e rrethanave të ngjarjes, identifikimin dhe kapjen e autorit.

Ndërkohë shërbimet e Policisë vijojnë krehjen e zonës për të bërë të mundur kapjen e autorit.

LEXO EDHE  Në kërkim nga Italia, arrestohet në Tiranë 43-vjeçari