Ambasadorja Yuri Kim e ka cilësuar ofenduese deklarata e bëra në Shqipëri lidhur me vendimin e DASH për shpalljen non-grata të ish-kryeministrit Sali Berisha dhe për kërkesën për përjashtimin e tij nga grupi parlamentar i PD.
Pas takimit me kreun e PD Lulzim Basha, Yuri Kim tha se është ofentuese të thuash se SHBA ka bërë sulm ndaj sovranitetit të Shqipërisë, duke ju referuar deklaratave të bëra nga vetë ish-kryeministri Berisha pas përjashtimit nga grupi i PD.
Sipas Kim SHBA-të kanë që prej 1920 që mbështesin pavarësinë dhe sovranitetin e Shqipërisë.
‘Kam parë disa raportime shqetësuese sipas të cilave ajo që ka ndodhur në lidhje me përcaktimin nga Departamenti i Shtetit, qenka një lloj sulmi ndaj sovranitetit të Shqipërisë. Është diçka faktikisht e gabuar dhe është ofenduese. Do doja t’i kujtoja cilitdo që më 6 maj 1919, kur pjesa tjetër e botës donte që Shqipëria të zhdukej, Shtetet e Bashkuara, Presidenti Uillson ishte ai që ngriti zërin dhe tha se Shqipëria duhet të jetë e pavarur. I vetmi ndryshim në atë deklaratë, të cilën e kemi shtuar, është që Shqipëria duhet të jetë jo vetëm e pavarur, por duhet të jetë edhe sovrane dhe demokratike. Ndaj atyre që janë përpjekur ta vendosin Shtetet e Bashkuara kundër popullit të Shqipërisë do t’iu thoja “E keni gabim!” Populli Shqiptar e di që e keni gabim. Pozicioni ynë për këtë çështje, të pavarësisë, sovranitetit dhe demokracisë së Shqipërisë nuk do të ndryshojë asnjëherë, pozicioni ynë për rendësinë që ka Partia Demokratike nuk do të ndryshojë asnjëherë’, deklaroi Kim.
Kujtojmë që ish-kryeministri Sali Berisha deklaroi menjëherë pas vendimit të Lulzim Bashës për pëjashtimin e tij nga grupi parlamentar me argumentin se e kërkon SHBA, se me këtë vendim ëhstë prekur sovraniteti i partisë.
