Në vigjiljen e nisjes së vitit të ri shkollor, grupi i vullnetarëve në kryesimin e aktivistit Aulon Kalaja, organizuan një fushatë për të ndihmuar fëmijët e familjeve të prekura nga tërmeti, në shkollat e Shpërdhetit, Mamurras, në Fushë-Krujë, Bubq dhe Kodër Mallkuç.
Vullnetarët përgatitën çanta dhe sende shkollore që iu duhen fëmijëve, që të Hënën nisin shkollën.
Për këtë kauzë kontribuuan qytetarë të ndryshëm. Kjo nuk është hera e parë që aktivistët ndihmojnë banorët e prekur nga tërmeti. Dy vite më parë ata çelën një qendër vullnetare në Bubq, ku hapën mensë, shpërndanë veshmbathje dhe konteinerë banimi dhe ku shërbyen për 90 ditë me radhë. Ata premtuan se do shkonin sërish për të parë fëmijët.
