Sulejman Starova ishte mbrëmë i pranishëm në panelin e emisionit “Skaner” të Gerti Çarçanit. Ndër të tjera, trajneri i njohur analizoi humbjen 2-1 të Vllaznisë kundër Labërisë, e vlefshme për Kupën e Shqipërisë. Ai publikisht u shpreh se kishte informacion se shkodranët do të humbnin sikur të shkonin edhe me ekipin e parë.
” Humbja e Vllaznisë? Kam informacion që edhe po të shkonte me ekipin e parë mund të humbte ndeshjen me Labërinë”, deklaroi Sulejman Starova me zë dhe figurë. E thënë ndryshe, sipas “Bobit” Vllaznia ishte paracaktuar për të humbur. Një deklaratë e thënë ndoshta pa menduar dy herë, por që duhet të nxisë instancat ligjzbatuese pasi trukimi i ndeshjeve dënohet nga legjislacioni shqiptar.
Starova duhet të japë shpjegime për informacionin e tij, pasi ka akuzuar publikisht se Vllaznia nuk do të fitonte çfarë do që të bënte ndaj Labërisë. Shkodranët u mposhtën dhe kjo vërteton më shumë deklaratën e Starovës.
