Ish-kryeparlamentarja Jozefina Topalli ka folur për lëvizjen e ish-kryeministrit Sali Berisha.
Sipas saj, ”Foltorja” është e pabesueshme dhe tepër unike.
”E pabesueshme, e pabesueshme, pas 8 vitesh që ke dhënë dorëheqjen dhe je larg vendimmarrjes, të kesh gjithë atë energji dhe të mobilizohesh ashtu është unike, unike, nuk ndodh”, tha Topalli në një intervistë në Tv Klan.
Ajo tha se “përpara se të hyja këtu në studio, ishte një vajzë që më tha po si të dolën të gjitha fjalët? Po kam marrë shumë mesazhe, shumë komente në mediat sociale të cilat janë shumë të sinqerta dhe shumë të drejta me veten dhe me mua”.
“Më kanë thënë që të kemi kritikuar, kemi bërë komente kundra teje dhe të kërkojmë ndjesë.
Unë nuk kërkoj të më thonë ndjesë sepse nuk është faji i tyre që e kanë menduar propagandën dhe e kanë besuar propagandën e Lulzim Bashës sepse ata nuk kanë qenë në majë të pushteti siç kam qenë unë për të kuptuar se çfarë po ndodh”, tha Topalli.
DENONCO