Mark Marku dhe Agron Shehaj u përfshinë në një debat të fortë në studion e Opinion, duke shkëmbyer akuza dhe fyerje të ndërsjellëta.
Marku e quajti Shehajn një matrapaz, duke shtuar se kjo ishte një arsye sepse ai s´mund të bëhej kryetar i PD.
“Je frikacak, nuk mbajte asnjë fjalim as në Kuvendin e PD”, iu drejtua Mark Marku, Shehajt.
Ndërkohë ky i fundit i tha “kujt i thua frikacak ti? Unë konkurova kundër Bashës, ndërsa ti ishte duke bërë fushatë pro Bashës, pastaj dhe dorëheqjen. Ti je njeriu i dorëheqjeve”.
“Çfarë ke pirë more para se të vije në studio”, i tha Shehaj, Markut, ndërsa ky i fundit iu përgjigj “s´mundet që biznesi të merret me politikë”.
Shehaj u shpreh se në çdo parti europiane demokratike pyeten strukturat, pyeten forumet e partisë dhe merren vendime, diskutohet, por nuk ndodh askund që vendimet t´i marrë një person i vetëm.
Debati
Shehaj: Unë mendoj se Berisha nuk do të tërhiqet do vazhdojë në rrugëtimin që ka vazhduar, Basha nuk besoj se do të tërhiqet. Kur dëgjoj se nuk do mblidhet asnjë forum. Do përfundojë që secili do e interpretojë në interesin e vet, nuk do mendojë njeri për PD dhe Shqipërinë. Unë habitem që vihet në dyshim mbledhja e Kuvendit, minimalisht të thoshin që Berisha do i mbledhi firmat, pasi me sa kemi parë është marrëzi të thuash se nuk ka për ti mbledhur, po të thoshin që firmat janë flas të gjenin një kleçkë.
Marku: Unë ishe për një Kuvend Kombëtar për ndryshimin e PD. Tani të mbash një Kuvend Kombëtar për shkak se Berisha ka një problem të vetin persona, më vjen keq. Ti s’guxove të ishe kundërshatr i Bashës, nuk mbajte një fjalim.
Shehaj: Kur unë kundërshtoja Bashën ti bëje fushatë.
Marku: Unë isha për ndryshim për mirë jo për keq, që të shkonte nga Basha tek ti. Unë mendoj që një matrapaz nuk mund të bëhet kryetar.
Shehaj: Je mirë nga mëndja ti.
Marku: Ti je standard i ulët krahasuar me Bashën
Shehaj: Standard i ulët je ti që le mandatin se nuk ta mbajti.
DENONCO