Monaco dhe Lille dalin nga kriza, fitojnë bindshëm

Në javën e gjashtë të Ligue 1, kampionët në fuqi të Lille arritën të riktheheshin te fitorja pas dy humbjeve radhazi.

Lille që nuk duket aspak në nivelin e sezonit të kaluar, rigjeti fitoren ndaj Reims me rezultatin 2-1, ku Jonathan David dhe Benjamin Andre zhvlerësuan golin e Flips.

Edhe Monaco që po kalonte një situate shumë të vështirë, u rikthye te fitorja teksa mundi 3-1 St. Etienne në shtëpi. Volland kaloi fillimisht vendasit në avantazh ndërsa miqtë barazuan me Bouanga edhe pse me 10 lojtarë. Në pjesën e dytë, skuadra e Kovaç reagoi me dy gola të tjerë nga sulmuesi Ben Yedder në 62’ dhe 86’.

LEXO EDHE  Probleme në prapavijë tek Vllaznia, Brdaric vuan mungesën e dy titullarëve

Në sfidat e tjera, Nantes mposhti 3-1 Brest, Rennes dominoi 6-0 Clermond dhe Montpellier barazoi 3-3 me Bordeaux.