Paris Saint-Germain ka fituar 2-1 kundër Metz në javën e shtatë të Ligue 1.
Protagonisti i ndeshjes ka qenë Hakimi, i cili ka hapur takimin në minutën e 5-të dhe e ka mbyllur atë në të 95-ën, pas barazimit të përkohshëm 1-1 të Kouyate në minutën e 39-të.
Skuadra e Pochettino, që sot nuk ka patur në dispozicion Leo Messi-n për arsye dëmtimi, kryeson renditjen e Ligue 1 me pikë të plota.
Metz e ka mbyllur ndeshjen me 10 lojtarë pas kartonit të kuq të marrë nga Bronn në minutën e 92-të për vonim të lojës.
