Lionel Mesi ka pësuar një dëmtim në kockë në gjurin e majtë dhe rrezikon që të mos luajë në takimin e Ligës së Kampioneve kundër Mançester Sitit.
Klubi i PSG-së konfirmoi problemin e yllit argjentinas, që nuk do të luajë sfidën e së martës kundër Metzit në kampionat.
Mjekët e ekipit parisien pasi kryen skanimin e dëmtimit në mëngjesin e së martës, vendosën që të kryejnë sërish një tjetër kontroll 48 orë më vonë.
“Pleshti” u fut në lojë në takimin kundër Lionit me shqetësimin në gju, i cili vazhdon që t’i hapë probleme.
Përballja e dytë e PSG-së në Ligën e Kampioneve që do të jetë kundër “qytetarëve” pritet me interes nga tifozët.
Mesi ka shansin që të përballet me ekipin që drejtohej nga ish-trajneri i tij Pep Guardiola më 28 shtator, por në Francë raportojnë se prania e tij është në dyshim.
