Kryetari i PD, Lulzim Basha raportohet se pasi iu kundërpërgjigj ish-kryeministrit Sali Berisha ka shijuar një kafe me bashkëpunëtorët e tij të ngushtë në parti.
Në foton e publikuar në media, Basha shihet në kafe në lokalin pranë selisë blu, i ulur në një tavolinë me nën/kryetarët e PD-së, Alfred Rushaj dhe Jorida Tabaku, Sekretarin e Përgjithshëm, Gazment Bardhi si dhe deputetin Enkelejd Alibeaj.
Basha, në një prononcim për gazetarët më herët gjatë ditës, i është përgjigjur tezave të hedhura nga Sali Berisha, që ka folur për referendum lidhur me vendimin e kryetarit të PD që përjashtoi ish-kryeministrin nga grupi parlamentar demokrat. Basha theksoi se “s’ka për të pasur kuvend të PD që shqyrton vendimet e qeverisë amerikane”.
Berisha iu përgjigj Bashës disa minuta më pas, duke deklaruar se “Kuvendi i PD do mblidhet në përputhje me statutin e PD dhe askush që tmerrohet prej tij nuk mund ta pengojë”, ndërsa kryetarin e PD e quajti “peng të Ramës”.
