Një aksident raportohet të ketë ndodhur në Mirditë.
Burimet policore bëjnë me dije se shtetasi F. Ll., 59 vjeç, duke drejtuar mjetin tip “Benz”, në një rrugë dytësore në Mirditë, ka humbur kontrollin dhe ka dalë nga rruga.
Për pasojë ka mbetur e plagosur shtetasja B.D, 55-vjeç, e cila është dërguar në spitalin e Traumës, për të marrë mjekimin e duhur, ndërsa është bërë i mundur arrestimi i shoferit.
“Specialistët e Qarkullimit Rrugor bënë arrestimin në flagrancë të shtetasit: F. Ll., 59 vjeç, banues në Mirditë. Ky shtetas, duke drejtuar mjetin tip “Benz”, në një rrugë dytësore në Mirditë, ka humbur kontrollin e mjetit dhe ka dalë nga rruga. Për pasojë ka marrë dëmtime pasagjerja në këtë mjet, shtetasja B. D., 55 vjeçe, e cila ndodhet në Spitalin e Traumës Tiranë, nën kujdesin e mjekëve.
Materialet procedurale u referuan në Prokurorinë pranë Gjykatës së Shkallës së Parë Lezhë, për veprat penale “Kultivimi i bimëve narkotike” dhe “Shkelja e rregullave të qarkullimit rrugor”. njofton policia.
