Gjykata e Posaçme Kundër Korrupsionit dhe Krimit të Organizuar ka kaluar në gjykim dosjen ndaj Florenc Çapjas dhe Jorgo Lekut.
Të dy akuzohen për ekzekutimin e bujshëm të Gentian Beqirit dhe babait të tij në vitin 2012 në Elbasan, së bashku me persona të tjerë.
Për Çapjan dhe Leku dhe Olsi Lekën, i njohur dhe si Jorgo Leku çështja është veçuar, në pritje të ekstradimit të tyre përkatësisht nga Dubai dhe Greqia.
Vrasja e babë e bir gushtin e vitit 2012 në Elbasan tronditi opinionin publik, për shkak se Gentian Beqirit ishte në “arrest shtëpie” dhe me punonjës policie tek dera, kur autorët u futën në shtëpi dhe vranë atë e të atin, Nezir Beqiri.
Ngjarja u zbardh 8 vite më vonë pasi Ervis Bardhi, i dyshuar si ekzekutori i Gentian Nezirit, pranoi të bashkëpunojë me drejtësisë. Sipas hetimit të kryer nga SPAK, vrasja është porositur nga Ardian e Florec Çapja dhe për të, Bardhi e Olsi Leka janë paguar me 50 mijë euro.
Vrasja kishte si motiv hakmarrjen, pasi Çapajt dyshonin se Beqiri kishte marrë pjesë në vrasjen e vëllait dhe xhaxhait të tyre.
