Ndryshimet Kushtetuese për vetting, Manjani: Kërkesa e PS, absurde. Ja si ecën procesi

Ylli Manjani, ish-ministër i Drejtësisë, e konsideron të panevojshëm propozimin e Partisë Socialiste për ndryshime Kushtetuese, lidhur me vendimin për zgjatjen e mandatit të anëtarëve të KPK dhe KPA.

Në emisionin “A Show”, Manjani tha se bazuar në Kushtetutë, KPK ka një mandat 5 vjeçar dhe KPA 9 vjeçar.

“Nga viti 2023 mbaron mandati i KPK sipas kushtetutës. PS propozon që të ndryshojmë kushtetutën dhe tja zgjasim mandatin KPK dhe KPA me arsyetimin se nuk ka pëfunduar vetingu. Nuk ka arritur akoma as gjysma e rasteve të vetuara. Edhe sa vjet na duhen për të mbaruar vetingu i gjysmës tjetër?”, tha Manjani.

Sipas tij, Kushtetuta ka të përcaktuar se çfarë ndodh me procesin e vetting kur mbaron mandati i KPK. Manjani tha se procsi i kalon institucioneve të krijuara me ligj, KLP dhe KLGJ, përkatësisht për prokurorët dhe gjyqtarët.

LEXO EDHE  Berisha për Bashën: A mund të mbështetet një njeri që ka humbur 4 zgjedhje njëra pas tjetrës

“Kushtetuta e ka dhënë zgjidhjen për këtë rast, nuk ja ka lënë në dorë as Ramës, as Ballës as Bashës me të tijët.

Neni 179 pika b e kushtetutës e parashikon se pas shpërbërjes së këtyre komisioneve, rastet të cilat nuk janë përfunduar, shqyrtohen nga Këshilli i Lartë Gjyqësor, Këshilli i Lartë i Prokurorisë dhe ndihmon inspektoriati dhe drejtori i Prokurorisë së Posaçme.

Kjo është formula kushtetuese. Nëse nuk bëhen këto ndryshime, vetingu i gjyqtarëve dhe prokurorëve vazhdon, nuk ndërpritet sepse e ka parashikuar kushtetuta”, tha Manjani.