Capital T është një prej artistëve më të mirë shqiptarë dhe këngët e tij janë kthyer në hite e dëgjohen gjithandej.
Së fundmi, i ftuar në emisionin “Robi plaket kur don vet” me Robert Berishën, Capital T foli për jetën e tij sentimentale si dhe planet e tij për martesë. Capital T zbuloi se për momentin është “single” dhe sa i përket martesës, sipas tij, nuk është ende koha e duhur për të marrë atë hap.
“Thjesht nuk i ka ardhur koha, ajo është me ndjenjë nuk është se e ki të përcaktuar, jeta shumë e ngarkuar nuk e ki kohën me ja dedikuar dikujt qysh duhet. Besoj zoti e ka shkruar një fat për mu edhe kurdo që vjen mirësevjen”, u shpreh ai.
Capital T foli edhe për artistët të cilët shfrytëzojnë lajmet nga jeta private me qëllim që të ngrihen në karrierë.
“Ka shumë artistë që i kanë përdorur këto sene për me bo bujë me tërheq vëmendje por unë skam qenë prej atyre”, tha Kapo.
