Njihuni me Patric Lane, 45-vjeçari amerikan që vdiq si pasojë e Covid-19, ndërkohë që vazhdimisht kundërshtonte të vaksinohej. Për mediat amerikane kanë folur fëmijët e tij, të cilët janë shokuar nga kjo ngjarje, pasi sipas tyre, babai i tyre ishte shumë i shëndetshëm.
Vajza e tij tha se nuk është se babai i saj nuk besonte tek vaksinimi, por priste që ajo që miratohej nga FDA, për të qenë më i sigurt. Ajo tha se ai fillimisht u infektua, duke menduar se do e kalojë mirë, por gjendja e tij u përkeqësua.
“Para se të infektohej ishte në formë shumë të mirë. Madje ishte aktiv, më ndihmoi që të shpërngulem në apartamentin tim të parë. Më qëndroi shumë pranë. Sa i përket vaksinimit, nuk ishte shumë i sigurt, pasi mediat e bënin shumë konfuzë. Ai po priste që FDA të miratonte vaksinën në mënyrë që ta merrte, por ajo u miratua shumë vonë, pasi gjendja e tij u përkeqësua, duke i marrë jetën”.
Sipas fëmijëve të tij, fjalët e fundit që 45-vjeçari ka thënë, ishte që do dëshironte të ishte vaksinuar.
