Këngëtarja Linda Halimi i është nënshtruar një ndërhyrje kirurgjikale në të pasme për të perfeksionuar fizikun e saj, operacion ky që konsiderohet si një nga më të rrezikshmit.
Linda ka ndarë me ndjekësit momentet para dhe pas ndërhyrjes në InstaStory. Operacioni njihet me emrin “BBL”, një procedurë që heq yndyrën e tepërt nga barku, ijet ose kofshët duke përdorur liposuksion.
Kirurgu e transferon këtë yndyrë në vithe për më shumë volum.Ajo ka treguar se gjatë ndërhyrjes nuk ka patur dhimbje dhe gjithçka ka qenë shumë e lehtë për të. Madje, edhe pas përfundimit të operacionit ajo vazhdon të mos ndjejë asnjë dhimbje.
Linda s’do të mund të qëndrojë ulur për katër ditë, ndërsa pas katër ditësh mund të ulet në intervale të shkurtra, 5 deri në 10 minuta, derisa trupi i saj të shërohet plotësisht.
Së fundmi, Linda ka realizuar një mini-intervistë me ndjekësit në rrjete sociale ku ka treguar disa detaje rreth operacionit. Ajo ka treguar nëse kishte frikë gjatë ndërhyrjes pasi shumë prej tyre ngurrojnë për ta bërë.
“Nuk kam pasur aspak frikë deri në momentin kur jam shtrirë në tavolinën e operimit. Aty pastaj filluan dridhje të tmerrshme të trupit por çdo gjë ka kaluar me qetësi dhe lezet. Në momentin që jam mpirë nuk kam ndjerë asgjë më, në fakt orën e fundit kam fjetur dhe vetëm kur jam zgjuar e kuptova se çfarë ndodhi”- tregoi Linda.
Linda ka zbuluar gjithashtu edhe se sa kushton për të bërë një ndërhyrje të tillë.
“Këtu kutshon 9600 dollarë deri në 14 mijë dollarë, varet në cilën klinikë shkon”, thotë më tej ajo.
