Një adoleshent është proceduar penalisht për një ngjarje të ndodhur në Golem një ditë më parë. 18-vjeçari me iniciale G.A. akuzohet për veprën penale “Përhapja e informatave të rreme që ngjallin panik”.
Sipas policisë, ai ka thirrur me altoparlant ”Dilni jashtë, tërmet 8 ballë”, duke ngjallur panik tek banorët.
“Më datë 19.09.2021, u referuan materialet në Prokurorinë pranë Gjykatës së Shkallës së Parë Kavajë, për veprën penale ‘Përhapja e informatave të rreme që ngjallin panik’ për shtetasin G. A., 18 vjeç, pasi në Golem, u kap në flagrancë duke bërë thirrje me autoparlant ‘Dilni jashtë, tërmet 8 ballë’, duke ngjallur panik tek banorët”, njoftoi policia.
