Kreu i FRPD, Belind Këlliçi ka zbuluar mbrëmjen e së hënës se ai ka qenë një nga deputetët e ftuar në një takim nga Ambasada amerikane përpara se Kryetari Lulzim Basha të përjashtonte Berishën nga grupi i PD-së.
Belind Këlliçi thotë se takimi ka qenë konfidencial prandaj dhe nuk zbulon dot detaje, por ai shtoi në Open se takimi ka pasur si qëllim të shërbejë si një poll në lidhje me çështjen Berisha.
“Po kam qenë i ftuar. Ka qenë çështje konfidenciale. Nuk mund të nxjerr detaje të bisedës. Kanë dashur këndvështrimin e anëtarëve të rinj.
Ndër të tjera për këtë çështje dhe të tjera. Është diskutuar aktualiteti politik. Është parë një mundësi për të bërë një poll”, tha Këlliçi.
