Tirana-Egnatia, dy gola të shpejtë dhe një i anuluar

Në pjesën e dytë është ndezur ndeshja Tirana-Egnatia. Bardheblutë shënuan në minutën e 51-të me Taulant Seferin, i cili goditi shumë bukur nga jashtë zonë.

Në të njëjtën mënyrë u përgjigj 6 minuta më pas Egnatia me Demir Imeri. Ish-sulmuesi i Vllaznisë goditi në pozicion të prirët dhe barazoi ndeshjen me shifrat 1-1.

LEXO EDHE  Futbolli në zi, ndërron jetë ish-trajneri legjendar skocez

Pak minuta më pas ishte sërisht Taulant Seferi, i cili shënoi për Tiranën, raporton ABC.

Gjyqtari Laver Alla mori 6 minuta e 50 sekonda për të verifikuar golin dhe në fund vendosi për pozicion jashtë loje të Xhixhës, i cili sipas tij ka penguar rrezen e portierit për të neutralizuar goditjen.