Holanda pritet të jetë një nga vendet ku vaksinat anti-Covid pritet të bëhen të detyrueshme. Kjo të paktën nga ato se çfarë do t´u kërkohet qytetarëve për të hyrë të muze, teatro, bare, restorante, si dhe në mjaft institucione të tjera. Gjithkujt do t´i kërkohet një test negativ apo një certifikatë vaksinimi, çka duket se është një masë që do t´i çojë qytetarët drejt vaksinave.
Gjatë një debati në Parlament, kryeministri Mark Rutte deklaroi se kjo lëvizje ishte e nevojshme për të parandaluar një valë të re të pandemisë. “Jemi ende në një situatë të rrezikshme. Nëse nuk e bëjmë këtë, do të ketë rreziqe të mëdha”, tha Rutte.
Kundërshtarët në të gjithë spektrin politik holandez kanë vënë në dyshim nevojën për shtrëngimin e masave, me argumentin se është vetëm një dredhi për të stimuluar vaksinimin, pavarësisht premtimeve të vazhdueshme të qeverisë se vaksinimi nuk do të jetë kurrë i detyrueshëm.
Sipas të dhënave zyrtare, pothuajse 72% e shtetasve holandezë kanë administruar të paktën një dozë të vaksinës anti-Covid.
Vendosja e dëshmisë së vaksinimit është kundërshtuar nga furnizuesit e ushqimit dhe shumë bare e restorante kanë thënë tashmë se nuk do të bashkëpunojnë
