‘U vra në mënyrë monstruoze nga ai që “e deshi shumë”’, Aurela Gaçe bën postimin prekës për Sabrinën

Këngëtarja Aurela Gaçe ka bërë një postim prekës në Instagram për 23-vjeçaren Sabrina Bengaj, e cila u vra në pragun e shtëpisë nga burri i saj.

Gaçe shkruan se nuk ishte pjesë e protestës për të pasi ka parë që asgjë nuk ka ndryshuar për fatin e vajzave dhe grave që dhunohen, dhe se drejtësia ende nuk vepron dhe nuk jep dënimin e merituar për autorët.

Postimi i plotë i këngëtares:

Sot (dje), e dashur Sabrinë, duhet tē isha në shesh të protestoja për ty!

Ashtu siç kam bërë edhe për bashkëvuajtëset e tjera, ku njësoj si ty, kanë lënë pas një, dy ose më shumë fëmijë, jetimë.

Njësoj si ty, kanë lene pas prindër që bashkë me dhimbjen për humbjen e femijës se tyre do të rrisin edhe fëmijet tuaj, e do t’u duhet t’u shpjegojnë se si, nëna e tyre nuk jeton më.

Jo sepse u sëmur e s’kishte shërim.

Jo se pësoi ndonjë aksident.

Jo jo.

Do të duhet t’u shpejgojnē femijeve se nënat e tyre u vranë në menyrën më monstruoze nga ata që “i duan shumë” .

I vrasin në emër të dashurise se sëmurë.

Por, nuk di se si do ta bëjnë këtë shpjegim gjyshërit e shkretë për fëmijët që ngelen pa nënat e tyre, pa erën e tyre, pa dorën që i ledhaton.

Sot e dashur Sabrinë doja të protestoja edhe për ty, ashtu sic kam bere për shoqet e tua, që sot janë engjejt mbrojtes për femijet e kene mbas.

Por u dorezova, duke menduar se ne kete vend asgje nuk ka ndryshuar, duke ditur se ligji i ka lënë të lirë ata që nuk frikësohen për pasoja sepse monstrat e dine që dalin shpejt jashtë, që edhe pse mund të ketë një urdhër mbrojteje i cili nuk të mbron, thjeshtë u dorëzova.

U dorëzova ,e ligështuar,e pafuqishme për ta ndryshuar këtē dhimbje.

Nuk di si të të mbroj e dashur Sabrinë.

Ti ike….ashtu si shoqet e tua.

Kam frike për ato të tjera shoqe që ndodhen në të njejtat kushte si ty.

Çfare do të ndodhë me to?

A MUNDET NDONJËHERË KËTO MONSTRA TË DËNOHEN VËRTETË.

A DO TA DËGJOJMË NDONJËHERE SE DIKUSH, MORI DËNIMIN E MERITUAR QE DHUNON, PËRDHUNON, VRET MASKARON NJË GRUA?

A MUNDET DIKUSH, NDONJE GJYQTAR, PROKUROR , A NJË OFICER POLICIE TË MARRË VËRTETË NË MBROJTJE NJË GRUA,NËNË?

PO MENDOJENI NJË HERË SIKUR AJO TË ISHTE NËNA JUAJ, MOTRA JUAJ.

A DO TA KISHIT LIRUAR DHUNUESIN E SAJ????????

KUR DO TË KETË DREJTËSI?????

SABRINË, PUSHO NË PAQE.

ME DHIMBJE E THEM, ME DHIMBJE E SHKRUAj!

 

View this post on Instagram

 

A post shared by Aurela Gace (@aurelagaceofficial)

LEXO EDHE  Bora Zemani flet për herë të parë për puthjen ‘me zor’ që i bëri Donaldi brenda shtëpisë së BBV