Sot në të gjithë botën përkujtohet 16 Shtatori, e cila është Dita Ndërkombëtare e Mbrojtjes së Shtresës së Ozonit.
Që prej 1987 kur u nënshkrua Protokolli i Montrealit u bëhet thirrje shteteve që të vijojnë punën me mbrojtjen e shtresës së ozonit, e cila siç jemi në dijeni të gjithë mbron Tokën nga pjesa e dëmshme e rrezeve të diellit, duke ndihmuar kështu në ruajtjen e jetës në planet.
Ashtu si çdo vit tjetër edhe këtë 16 Shtator ju kërkohet të gjitha shteteve në botë që të vijojnë politikat e tyre mbojtëse ndaj shtresës së ozonit, pasi në këtë mënyrë mbrojmë drejtpërdrejtë jetën në Tokë.
Duhet theksuar se gjatë gjithë këtyre viteve që prej nënnshkrimit të Marrëveshjes së Montrealit, është bërë një punë e mirë nga shtetet anëtare, të cilat kanë bërë të mundur që vrima e ozonit të mbyllet gradualisht.
Kujtojmë se Protokolli i Montrealit ka sjellë si rezultat parësor reduktimin me gati 100 % të përdorimit të substancave ozonholluese duke mundësuar një rekuperim të shtesës së ozonit dhe rikthimin në nivelet e viteve 1980. Kjo situate shoqerohet me një sërë përfitimesh të matshme si shmangia e 2 milion rasteve të kancerit të lëkurës deri në vitin 2030. Si rezultat si rezultat i reduktimit të shpenzimeve për kujdesin shëndetësor si dhe dëmeve në agriculture kemi një pritshmëri të një përftimi në terma ekonomikë deri në 2.2 miliardë dollarë deri në vitin 2050.
Çfarë është Protokolli i Montrealit dhe roli tij në ngadalësimin e ndryshimeve klimaterike
Protokolli i Montrealit filloi si një marrëveshje globale për të mbrojtur shtresën e Ozonit, dhe konsiderohet sot si një nga marrëveshjet mjedisore më të suksesshme. Si rezultat I kesaj marreveshje te bashkuar globale për të hequr gradualisht substancat që shkatërrojnë Ozonin, vrima e ozonit po mbyllet gradualisht, duke sjlle si rezultat mbrojtjen e shëndetit te njerëzve, ekonomitë dhe ekosistemet. Por, Protokolli i Montrealit ndikon gjithashtu ne ngadalësimin e ndryshimeve klimaterike dhe ndihmon ne rritjen e efikasitetit e energjisë në sektorin e ftohjes.
Amendamenti i Kigalit i Protokollit të Montrealit do të sjellë përfitime edhe më të forta klimatike. Sipas ketij Amendamentit, kombet janë zotuar të heqin gradualisht hidrofluorokarbonet (HFC). Edhe pse HFC-të nuk dëmtojnë shtresën e Ozonit, këto ftohës janë gazra të fuqishëm serë qe demtojne ngrohjen globale. Reduktimi i përdorimit të tyre, siç është rënë dakord, pritet të shmangë deri në 0.4 ° C rritje të temperaturës globale deri në fund të shekullit, duke vazhduar të mbrojë shtresën e ozonit.
Rreth një e treta e të gjithë ushqimit të prodhuar globalisht për konsum njerëzor ose humbet ose tretet çdo vit, kryesisht për shkak të mungesës së aksesit në sistemet ftohëse. Gjetja e zgjidhjeve efikase, miqësore ndaj klimës dhe me kosto me te ulet do të sigurojë që prodhuesit, fermerët dhe ofruesit farmaceutikë të kenë akses në ftohjen, ruajtjen dhe transportin e sigurte te produkteve si dhe ushqimi dhe vaksinat të arrijnë tek njerëzit në gjendje të sigurt dhe cilesi të lartë.
Në këtë Ditë Botërore të Ozonit, theksojme që Protokolli i Montrealit dhe Amendamentin Kigali kane arritur sukses për të na mbajtur ne, ushqimin dhe vaksinat tona të freskëta.
