Ish-Kryeministri Sali Berisha tha pasditen e sotme në takimin me anëtarësinë e PD-së se për dy vjet me rradhë ishte munduar të lartësonte figurën e Lulzim Bashës por nuk ia kishte arritur.
Berisha tha se në vitin 2017, Basha ekzekutoi politikisht gjithë figurat kryesore të partisë, madje duke i nxjerrë në pritë ata.
“Kompanisë së huaj që bënin fushatën tonë ua thashë, Basha është një lider i thyer, nuk ngjit më”, tha Berisha.
Ish-Kryeministri u shpreh se ua kishte kërkuar miqve të tij në Grupin parlamentar dhe Këshillin Kombëtar vetëm një gjë: kurrë mos thoni se vendimi i Bashës nuk është shkelje statutore.
“Burri para se të marrë një vendim që nuk merret kurrë, më parë jep dorëheqjen. Basha shkelmoi mbi statutin, mbi forumet. Nëse ai kishte një presion shumë të madh, mund të kërkonte 5 ditë kohë sa të mblidhte Këshillin Kombëtar. Por nëse humbte duhet të jepte dorëheqjen, por dorëheqja nuk ekziston për të. Shprehuni kundër Sali Berishës, por jo kundër forumeve, kundër statutit. Ne jemi parti e sovranitetit. Atë ditë që jam futur në Kuvend, megjithë përpjekjet demoniake për të më penguar, unë jam ndjerë më i fortë se kurrë”, tha Berisha.
