Petrit Vasili gjatë një interviste për “Fax News” ka folur për situatën politike në Shqipëri, marrëdhënien mes PD-LSI gjithashtu edhe për pandeminë.
Nënkryetari i Lëvizjes Socialiste për Integrim priste më shumë që Partia Demokratike të denonconte “Masakrën zgjedhore të 25 prillit”, ndërsa gjatë fjalës së tij ai lë të nënkuptohet se ka një rënie besimi tek kryedemokrati, Lulzim Basha.
Gjithashtu Vasili iu shmang me diplomaci kur u pyet për përjashtimin e Sali Berishës nga grupi parlamentar duke theksuar se kjo është një çështje e brendshme në PD.
“Edhe më parë nuk kemi arsye për të pasur ndonjë komunikim special me Lulzim Bashën. Në parlament ne jemi forcë opozitare dhe si e tillë duhet ta bëjmë këtë punë më së miri. Ne duhet të bëjmë opozitë pa asnjë rast të kundërt për ata që shqiptarët na kanë votuar, këtë detyrim ka edhe PD për ta bërë. LSI do ta bëjë deri në fund uroj që edhe PD ta bëjë.
Uron që ta bëjë edhe PD-ja, mos ndoshta ka rënë besimi tek Basha? “Për mua krye çështjes është 25 prilli, pasi çdo e keqe thelbësore lind nga vota që prodhon pushtet kriminal. LSI ka bërë shumë dhe nuk ka lënë asnjë ditë të vetme pa denoncuar , por të them të vërtetën kam pritur më shumë që PD të bënte për këtë çështje. PD ka më shumë mundësi për të denoncuar për masakrën e 25 prillit. Masakra që të formësohet në opinionin publik duhet argumentuar nga opozita që institucionet ndërkombëtare të vendosen në lëvizje. PD nuk ka pasur atë temp që duhet të kishte në lidhje më këtë çështje, flas në opinion tim personal”, tha fillimisht Vasali.
Përjashtimi i Berishës? “Është zhvillim i brendshëm i PD. Unë dhe LSI kemi pasur gjithmonë një qëndrim: mos të bëhemi pjesë e debateve të brendshme të partisë politike pasi është një çështje që ata duhet ta zgjidhin vetë deri në fund, në të mirë të opozitarizmit të vërtetë. Këtu fillon dhe mbaron çështja për ne.
Rritja e çmimit të bukës dhe shportës së përditshme. A do të zhvillohen protesta– “Produktet bazë e një Shqipëri të varfër duke pasur të ardhur më të ulët dhe ka qeverisje qe nuk ka tregues pozitiv qoftë social qoftë ekonomik sipas monitoruesve ndërkombëtar. Qeveria i ka lënë në mëshirë të fatit qytetarët e vet. Artikuj bazë të shportës janë rritur dhe kur qeveria lë mëshirë të fatit dhe këta artikuj, i zhyt familjet shqiptare në një krizë.
Ajo deklarata e kryeministrit është rrugacëri duke thënë që nuk kam marrë mandatin e 3-të. Ai del flet për inaugurime, për Ballkanin e Hapur, Afganistanin interesohet kurse ky nuk është kryeministër për çmimin e bukës, duhet të ketë dinjitet, duhet të kishte ikur me vrap. Kryeçështja është çmimi i bukës siç jemi të varfër. Ky është kryeministër për cdo gjë për të nënshkruar koncesione por për çmimin e bukës nuk është.
Covid? “Unë kam paraqitur një plan me 9 pika që duhet të ecë veprimtaria e Covidit. Këta kanë interes të fshehin të vërtetat në mënyrë që cdo njeriu të tërbohet me hallin e tij. Ne bëjmë testime 3 herë më pak se Kosova. A ka fuqi më të mëdha ekonomike se ne Kosova? Nuk dua të prish gojën me komitetin e ekspertëve s’dua të merrem me ata. I njoh shumë mirë kush janë profesionistët e vërtet kurse Komitetit i Ekspertëve është komplet i rinuar. Masat e tyre i thotë Rama disa dit para kurse ata i miratojnë. Edhe vdekjet janë fshehur”, përfundoi Vasili.
