Emri/ Prej 4 orësh i bllokuar në galeritë e minierës, nuk dihet fati i minatorit

Një minator ka mbetur i bllokuar prej 4 orësh në një prej galerive të minierës së Bulqizës, ndërsa nuk dihet asgjë për fatin e tij.

Sipas policisë, ngjarja ka ndodhur rreth orës 12:10, ku një masiv shkëmbor u shemb në një galeri në Zonën e Parë, duke zënë brenda një minator.

Sipas policisë minatori Muharrem Plaku ka qenë duke punuar në brendësi të galerisë, dhe nuk dihet nëse është bllokuar apo është zënë poshtë nga masivi i shembur.

LEXO EDHE  Denoncimi/ Skandal, 1 fletore e klasës së parë, 6 mijë lekë

Ngjarja ka ndodhur në një galeri të subjektit “KADURTEX”, në pronësi të vëllezërve Myfit dhe Kapllan Duriçi, ky i fundit ishte edhe administrator i kompanisë.

Grupi i Avari Shpëtimit dhe specialistë të Repartit të Inspektim Shpëtim Minierave (RISHM) ndodhen në vendin e ngjarjes. Sipas informacioneve sasia e materialit është shumë e madhe dhe është shumë e vështirë nxjerrja e minatorit Muharrem Plaku.