Kancelarja Angela Merkel, pas 16 vitesh në krye të Gjermanisë do largohet nga detyra.
Duket sikur largimi i saj i ka prekur të gjithë gjermanët, të cilë janë përgatitur ta përcjellin me vepra të bukura dhe emocionuese.
Një kompani ushqimore ka krijuar ëmbëlsirën me fytyrën e kancelares. Ndërsa menaxheri i kompanisë në një intervistë për Reuters shprehet se këto ëmbëlsira janë si shenjë nderimi për punën e saj.
“Ëmbëlsira është një suvenir për tifozët, ose jo-tifozët e Angela Merkel, në nder të përfundimit të detyrës së saj. Ne shpresojmë që një person tjetër do ta vendosë atë diku në shtëpi. Kemi bërë që punimi të zgjasë për dy vite”,- shprehet ai.
Një ditë më parë, Angela Merkel bëri vizitën e lamtumirës në Shqipëri, ndërsa në Gjermani po garojnë për kancelarin e ri dhe zgjedhjet do mbahen më 26 shtator, mes kandidatit socialdemokrat Olaf Scholz kundër rivalit konservator Armin Laschet dhe Annalena Baerbock te të Gjelbrit.
