Covid në Greqi, 37 humbje jete dhe 2422 raste të reja

Greqia ka regjistruar 2422 raste pozitive me Covid-19 si dhe 37 humbje jete në 24 orët e fundit.

Sipas autoriteteve të shëndetit në vend, nga të infektuarit e sotëm, gjashtë u konfirmuan në pikat hyrëse të vendit kurse numri total i të infektuarve shkon në 622761, prej të cilëve 51.0% janë meshkuj.

Kurse, nga rastet e konfirmuara në shtatë ditët e fundit, 135 të infektuar kishin udhëtuar jashtë kurse 2,607 të tjerë ishin raste kontakti.

LEXO EDHE  U strehuan përkohësisht, 117 afganë largohen drejt Mbretërisë së Bashkuar

Numri total i viktimave që nga fillimi i pandemisë në vend ka shkuar tashmë në 14,311. Prej tyre, 95.4% kishin sëmundje shoqëruese dhe/ose ishin mbi 70 vjeç.

Numri i pacientëve që marrin shërbim mjekësor në njësitë e kujdesit intensiv është 364 (64.8% meshkuj). Mosha mesatare e tyre është 64 vjeç dhe 81.0% kanë sëmundje shoqëruese dhe/ose janë mbi 70 vjeç.