Akuzohen se kishin mbjellë kan*bis në Konispol, arrestohet “Papi” dhe 3 të tjerë (Video)

Policia e Sarandës ka vënë në pranga 4 persona dhe ka shpallur 1 tjerër në kërkim pasi akuzohen për trafikim dhe kultivim të lëndëve narkotike. Sipas bluve, 2 prej të arrestuarëve janë me precedentë të mëparshëm penalë në në fushën e narkotikëve.

Në kuadër të operacionit policor “Five”, u arrestuan:

  • Dashnor Alushaj (i njohur me ermin Papi), 62 vjeç, banues në Sarandë, i dënuar më parë për veprën penale “Kultivimi i bimëve narkotike“;
  • Gramoz Breshanaj, 34 vjeç, banues në fshatin Vrinë, Sarandë;
  • Ermir Indrisllari, 30 vjeç, banues në fshatin Vrinë, Sarandë, i dënuar më parë për veprën penale “Kultivimi i bimëve narkotike“;
  • Esmeraldo Alushaj, 19 vjeç, banues në fshatin Vrinë, Sarandë.
  • Po ashtu, u bë shpallja në kërkim e shtetasit A. A., 30 vjeç, banues në fshatin Vrinë, Sarandë.
LEXO EDHE  Zgjatja e mandatit të KPK dhe KP, vjen reagimi i parë nga ONM

“Këta shtetas dyshohen se në bashkëpunim me njëri-tjetrin, në territorin e fshatit Vrinë, bashkia Konispol, Sarandë, kanë kultivuar bimë narkotike të dyshuara cannabis sativa, të cilat u asgjësuan me djegie gjatë operacionit policor. Gjithashtu, nga tërësia e veprimeve procedurale dhe provat materiale të sekuestruara dyshohet se shtetasi Dashnor Alushaj është organizatori dhe financuesi i kësaj veprimtarie të kundërligjshme”, njoftoi policia.

Materialet i kaluan Prokurorisë pranë Gjykatës së Shkallës së Parë Sarandë, për veprën penale “Kultivimi i bimëve narkotike”, e kryer në bashkëpunim, shtuan të njëjtat burime.