Ylli i “Doctor Who”, aktorja Tanya Fear, është gjetur katër ditë pasi u raportua e zhdukur dhe familja e saj është njoftuar, shkruan mirror.co.uk
Aktorja 31-vjeçare u pa për herë të fundit në zonën e Hollywood Bowl të Los Anxhelosit të enjten më 9 shtator.
Nga raportimet e para mësohet se ajo aktualisht është duke u trajtuar në një spital lokal.
Një zëdhënës i LAPD i tha Mirror se Tanya “është gjetur e sigurt dhe familja e saj është njoftuar”.
Aktori Jimmy Akingbola shkroi në Twitter: “Lajm i shkëlqyeshëm @TanyaFear është gjetur dhe është në spital. Kjo është gjithçka që di, ju lutem ndalni #FindTanyaFear.”.
