PD shkresë zyrtare në Kuvend: Berisha nuk është deputet i Grupit tonë Parlamentar

Partia Demokratike ka depozituar një shkresë zyrtare në Kuvend të firmosur nga Lulzim Basha, kreu i partisë, përmes të cilës konfirmon se ish-Kryeministri Sali Berisha nuk është anëtar i këtij grupimi.

Reagimi përmes shkresës zyrtare ka ardhur pasi më parë Berisha në formularin e vetëdeklarimit ishte shprehur se ishte pjesë e Grupit Parlamentar të PD-së.

Por në shkresën e depozituar, Grupi Parlamentar i PD përbëhet nga 44 deputetë, ndërsa 14 deputetë të tjerë janë pjesë e dy grupeve të tjera parlamentare që u krijuan nga Mesila Doda dhe Fatmir Mediu, bashkë me deputetët e huazuar nga Basha.

LEXO EDHE  Basha-Ramës: Je në pushtet me vota të vjedhura, e ke shkatërruar Shqipërinë

Tashmë administrata e Kuvendit ka dy shkresa që shprehin vullnete të ndryshme, njërin nga deputeti Sali Berisha që vetëdeklarohet pjesë e Grupit të PD dhe tjetra që mban firmën e Bashës që përjashton Berishën nga Grupi Parlamentar.