“Goca dhe gra” është formati i ri që nis transmetimin nga data 11 shtator në Top Channel. Pjesë e tij janë Tea Trifoni, Fatma Haxhialiu, Olesia Leço, dhe Krista Merkoçi.
Së fundmi, ish-konkurrentja e “Për’puthen”, Tea Trifoni, ka treguar disa detaje të reja, lidhur me emsionin gjatë një mini-interviste me ndjekësit në Instagram.
Ajo ka zbuluar se do të jetë një talk-show që do të transmetohet në ekran një herë në javë.
“Do ketë pafund tematika të ndryshme, duke filluar që nga tema sociale, aktualiteti, beauty, fashion, dashuria, familja, marrëdhëniet, gjithçka…”- tha Tea.
Tea zbuloi se veç katër vajzave, që do të jenë moderatore, do të ketë edhe shumë të ftuar. Sipas saj, meshkujt do të kenë shumë kureshtje ta shohin, për tu futur pak më shumë në botëkuptimin e femrave.
