Moderatorja e njohur shqiptare zbulon si u dashurua me invalidin e luftës

Marrë nga "Instagram"

Gazetarja dhe moderatorja nga Kosova, Alketa Gashi, përpos televizionit, është edhe një shkrimtare e suksesshme, e cila ka botuar disa libra.

Së fundmi, e ftuar në “Shqipëria Live”, tregoi historinë e saj të dashurisë me bashkëshortin, i cili quhet Faik Fazliut, ish-kryetari i OVL e UÇK-së.

Historia e tyre është tejet e veçantë pasi Faiku ka mbetur invalid nga lufta e Kosovës por kjo nuk e pengoi aspak t’i vidhte zemrën Alketës.

“Më tha që unë jam ky. Dhe i thash: “Pikërisht pse je ky dhe ke bërë diçka për lirinë e Kosovës që e kemi pritur me shekuj, unë jo vetëm e përqafoj këtë por jam pjesë e kësaj krenarie dhe dua të jem përjetësisht pjesë e asaj krenarie.’”

E pyetur nëse ka qenë ndonjëherë në mëdyshje, moderatorja u përgjigj: “Në momentin që e kam parë jo vetëm mëdyshje s’kisha por u shtua edhe dashuria nga ana ime. Jam tip i ndjeshëm shumë si natyrë dhe njerëzit që kanë sakrifikuar për mua janë elitarë. Njerëzit që kanë bërë diçka për atë vend të vuajtur për shekull ua ngrejmë kapelen dhe u gjunjëzohemi. Kjo kategori e ushtarëve të Ushtrisë Çlirimtare të Kosovës dhe asaj lufte të mjerë që është bërë që tashmë duan ta njollosin, për mua është e shenjtë. Është vlera më sublime që ka patur Kosova”.

LEXO EDHE  Çfarë ndodhi? Ndahen Fisnik Syla dhe Fjolla Morina (FOTO)