Presidenti Meta: Mbyllem dy vite të errëta të historisë parlamentare, urime Kryetares së zgjedhur të Kuvendit të ri

Presidenti Ilir Meta menjëherë pas zgjedhjes së Kryetares së re të Kuvendit të Shqipërisë, Lindita Nikolla i ka asaj dërguar një mesazh urimi përmes të cilit i uron për detyrën e re dhe të rëndësishme.

Meta thotë se sapo u mbyllën dy vite të errëta të historisë parlamentare dhe tani nuk duhet të ketë asnjë sekondë bojkot, pasi nuk ka vlerë dhe kuptim.

Deklarata

Urime Kryetares të zgjedhur sot nga Kuvendi i ri i konstituar i Republikës së Shqipërisë!
Më në fund kemi mbyllur dy vitet më të errëta të historisë tonë parlamentare, në këto tre dekada, me pasoja shumë të rënda dhe afatgjata për demokracinë, shtetin e së drejtës, integrimin europian dhe gjendjen ekonomike e sociale të qytetarëve tanë.
Tani asnjë sekondë bojkot, nuk ka vlerë dhe kuptim!
Mbështetje për Kryetaren e zgjedhur, Sh.S.Znj Lindita Nikolla dhe bashkëpunim për interesin e përbashkët të forcimit të demokracisë, shtetit të së drejtës, rivendosjes së llogaridhënies në Kuvend dhe respektimin e Kushtetutës së Republikës së Shqipërisë.

LEXO EDHE  Njihuni me deputeten e parë shqiptare në Bundestag