Christian Eriksen shokoi botën e futbollit në datën 12 qershor, në ndeshjen Danimarkë-Finlandë, e vlefshme për Kampionatin Evropian. Në minutën e 43-të, mesfushori i Interit humbi ndjenjat kur po kontrollonte një top që erdhi nga rivënia anësore.
Mjekët arritën që ta rikthenin në jetë dhe në spital u mësua se danezi kishte patur një atak kardiak.
6 ditë më pas, Eriksenit iu vendos një defribilator në zemër dhe doli nga spitali, me pikëpyetjen e madhe nëse do të kthehej të luante futboll.
Sot, “La Gazzetta dello Sport” publikon se futbollisti i Interit, i cili ndodhet në Milano aktualisht, do t’i nënshtrohet një vizite mjekësore që do të përcaktojë nëse do të kthehet në fushat e blerta. Nëse vizita do të shkojë mirë, Eriksen do të nisë stërvitjen brenda muajit me kombëtaren e tij.
