Partia Demokratike ka thirrur një mbledhje të grupit parlamentar një ditë para seancës së parë në legjislaturën e re parlamentare.
Mbledhja është njoftuar se do të zhvillohet në orën 18:30 në selinë e PD. Mbledhja pritet të drejtohet nga kreu demokrat Lulzim Basha.
Nuk dihet gjithashtu nëse në këtë mbledhje do të jenë ose jo deputetët që i përkasin partive aleate, që pritet të zyrtarizojnë në Kuvend një grup parlamentar, por kjo mund të ndodhë vetëm nëse PD i huazon deputetë.
Kjo është mbledhja e parë që deputetët demokratë zhvillojnë në nisje të punimeve parlamentare.
Në fillim të javës ishte njoftuar një mbledhje e Kryesisë së PD, por që u pezullua, ndërkohë që zyrtarisht PD ende nuk ka marrë një vendim lidhur me faktin nvse Sali Berisha do të jetë pjesë e Grupit Parlamentar apo jo.
