“Lulzi Basha e ktheu PD në një satelit të Edi Ramës”, u shpreh ish-Kryeministri Sali Berisha, duke shtuar se “Lulzim Basha vrau Partinë Demokratike.
Berisha në emisionin Opinion tha se “duke shitur sovranitetin e PD për interesa personale, Lulzim Basha e vrau Partinë Demokratike”.
“Lulzim Basha nuk kreu at vrasjen, por vrau Partinë Demokratike”, tha Berisha, duke paralajmëruar se do të rikthejë sovranitetin në Partinë Demokratike.
Ish-Kryeministri tha se do të bëjë lëvizjen e tij për të rikthyer në PD sovranitetin dhe vlerat e kësaj partie.
Biseda
Fevziu: A e çon më pranë pushtetit apo e largon nga pushteti PD-në pas këtij vendimi të Bashës?
Berisha: Për mendimin tim ky vendim i Bashës e shndërron PD-së satelit të Edi Ramës. Ka marrë vendim fatal, sigurisht ju ka shpëtuar sanksioneve, por PD ka marrë goditjen fatale.
Fevziu: Si ndiheni nëse e konsiderojmë përjashtimin tuaj si ‘atë vrasjen’ që ja kërkojnë të gjithë?
Berisha: Ndiej keqardhje për vrasjen e Partisë Demokratike.
