Se kush grupmoshë do të vaksinohet nuk është vendim i komitetit, por i ekspertëve të vaksinimit. Kështu tha zv/ministrja Mira Rakacolli në studion e Open.
Ndërkohë mjeku imunolog Genc Sulçebe deklaroi se pritet të merret një vendimi tillë në një instancë tjetër. Sulçebe tha se fëmijët duhet të vaksinohen, pasi Delta është si virusi i lisë së dhenëve që është shumë ngjitës. Ai tha se është një skenar që kur të fillojë shkolla, varianti delta të përhapet në klasa.
‘ Ne kemi fëmijë të infektuar me forma të rënda në spitale. Deri në 15 % përjetojnë atë që quhet covid i gjatë. Një numër i fëmijëve në botë që kalojnë covid u shfaqet me vonë dhe një sëmundje e rëndë. Fëmija është kontigjenti më vunerabël dhe të ekspozuar nëpër shkolla. Duhet të fillohet sa më shpejt dhe të bëhet i detyrueshëm. Në nëntor do të fillojë ky proces, por unë them se duhet shpejt. Pas kalimit të covid te të rinjtë sidomos te ata nën 20 vjeç ka pasur dhe prekje të zemrës. Për mua një dozë e vetme do të ishte e mjaftueshme’
