Alfred Çako ka shpërthyer në një seri akuzash në emisionin Opinion lidhur me vaksinat anti-Covid.
Çako, i cili është kundër vaksinimit, u shpreh se po tentohet të vritet rinia shqiptare, duke i detyruar të vaksinohen me detyrim.
“Pse po vaksinoni të rinjtë dhe fëmijët kur s´ka vdekur njeri prej tyre nga vaksinat”, tha Çako. Në një panel me mjekët Kita Sallabanda, Ilir Alimehmeti dhe Pëllumb Pipero, Çako tha “jeni mjekë leshi kur thoni se duhen vaksina me detyrim. E dini ju që vaksinat me ARN lëshojnë proteinën Spike, e cila krijon probleme të forta shëndetësore?”.
“Do i shikoni problemet në muajt dhe vitet në vijim. Kur thoja unë që kjo lufta me Covid-in do zgjaste shumë, Pipero dhe Kryeministri Edi Rama thonin të kundërtën, thonin aman mos flisni se do na turpëroni. Tani do shikoni se në janar do të ketë përkeqësim të situatës”, tha Çako.
Referuar kontratave me Pfizer, Çako tha “pse nuk na thoni se çfarë përmban kjo vaksinë? Pse thoni që shteti nuk duhet të kërkojë llogari lidhur me pasojat që kanë vaksinat?”.
