Policia e Tiranës ka gjetur një kufomë gjatë mëngjesit të sotëm në zonën e Vaqarit. Burime zyrtare bëjnë me dije se kufoma është e seksit mashkull dhe dyshohet se ka vdekur prej disa ditësh, pasi në trup konstatohen shenja dekompozimi.
Momentalisht, po punohet për identifikimin e tij dhe gjetjen e shkakut të vdekjes.
“Rreth orës 09:45, në fshatin Balticë, Njësia Administrative Vaqarr, është gjetur një kufomë e dekompozuar e seksit mashkull. Pritet përgjigjja e ekspertizës mjekoligjore për të përcaktuar shkakun e vdekjes.Grupi hetimor ndodhet në vendngjarje dhe po punon për sqarimin e rrethanave e plotë të ngjarjes”, bën me dije policia.
