Miss-i shqiptar, Cindy Marina dhe djali i Jozefina Topallit, Genar Topalli, u vunë pak kohë më parë në qendër të vëmendjes pas publikimit të lajmit se dyshja janë në një lidhje. “Panorama Plus” postoi një foto të çiftit në një restorant në Vlorë.
Miss-i, gjatë një interviste në “ABC News”, refuzoi të mohojë apo të pohojë lidhjen me Genar Topallin. Cindy Marina tha se ka vendosur të mos flasë për jetën e saj personale derisa të vendosë diçka.
“Unë vetë kurrë nuk kam folur për jetën time, edhe në Instagram s’kam postuar asgjë. Kam vendosur që s’do flas derisa ta ndjej vetë. Lajmet mund të dalin, unë nuk po vërtetoj gjë, as nuk e mohoj dhe as nuk e pohoj. Derisa të postoj diçka, ju do e dini nga unë”, tha ajo.
