Aleatët e PD grup më vete opozitar? Ndoka: Domosdoshmëri, Basha ka reflektuar por …

Kreu i demokristianëve, Nard Ndoka, edhe pse nuk është pjesë personalisht e Kuvendit të Republikës së Shqipërisë, si pjesë e Opozitës së Bashkuar ka komentuar zhvillimet brenda aleatëve të Bashës për të dalë me një grup parlamentar jashtë PD-së në Kuvend.

Ndoka u shpreh përmes një interviste për FaxNews se krijimi i një grupi parlamentar nga partitë e vogla opozitare rrit fuqinë e dëgjimit të zërit të tyre në parlament.

“Pavarësisht që unë nuk jam pjesë e Kuvendit të Shqipërisë, jam pjesë e Opozitës dhe ka qenë ideja që partitë politike opozitare të kenë një grup parlamentar. Rregullorja e Kuvendit kërkon 7 deputet për të formuar një grup parlamentar dhe Lëvizja Socialiste për Integrim ka 4 deputetët, të cilët mund të kombinohen dhe bashkëpunojnë me deputetë të tjerë nga partitë e tjera opozitare. Pasi nuk pati një qasje zyrtare nga ana e Partisë Demokratike partitë e tjera u përpoqën që të paktën të kordinojnë njëra me tjetrën dhe të shkëmbejnë mendime si do të organizohen për përfaqësimin e tyre në Parlament.

LEXO EDHE  ‘Paç fatin e Bashës’/ Ironia e Bushatit: Kush e kishte imagjinuar që analistët e Ramës do mbronin kreun e PD

Është e domosdoshme që partitë e opozitës të jenë sëbashku për të krijuar një grup parlamentar, në mënyrë që zëri i tyre të dëgjohet më shumë“, tha Ndoka.

Gjithashtu Ndoka u shpreh se sinjalit e dhëna nga kryedemokrati Basha për gabimet e bëra me ndryshimet kushtetuese të 2008-ës, janë një shpresë për rikthimin e pluralizmit politik në vend dhe dhënies fund të dypolarizimit të skenës politike PD/PS.

“Vetë zoti Basha ka dhënë një shenjë që ndryshimet kushtetuese të 2008-ës ishin një gabim.

Më mirë vonë se kurrë zoti Basha ka reflekuar. Nuk e di në mënyrë të sinqertë apo jo, por di që vendi nuk ka nevojë vetëm për dy garnizione që i kanë sjellur shumë probleme shqiptarëve, ekonomisë së tyre dhe pluralizmit politik.

Një hapësirë më e madhe politike, me zëra të tjerë është një domosdoshmëri për politikën shqiptare. Kjo i jep mundësi edhe partive të reja për tu përfaqësuar në parlament“, përfundoi Ndoka.