Haxhi Mykaj, 44 vjeç, është arrestuar ditën e sotme në Paskuqan, pasi policia zbuloi mbi 1 kg kokainë në makinën e tij.
Policia në njoftimin zyrtar bën me dije se në makinën e 44-vje♪5arit u gjetën 1 kg e 32 gramë, si edhe 39 thika.
44 vjeçari u arrestua në kuadër të operacionit të koduar “Chivas Regal”. Ai u kap në rrugën “Azem Galica” në Paskuqan.
Policia njoftoi se finalizoi operacionin e koduar “Chivas Regal” për goditjen e veprimtarisë kriminale në fushën e shpërndarjes së drogave të forta.
“Seksioni për Hetimin e Narkotikëve në DVP Tiranë, në vijim të kontrolleve për rritjen e parametrave të sigurisë në qytet, si dhe për parandalimin e veprimtarisë së paligjshme të shpërndarjes së lëndëve narkotike, në bazë të informacioneve të marra në rrugë operative, kanë organizuar dhe finalizuar operacionin policor të koduar “Chivas Regal” në kuadër të cilit u bë arrestimi në flagrancë i shtetasit:
-Haxhi Mykaj., 44 vjeç, banues në Tiranë.
Ky shtetas u kap në flagrancë në rrugën “Azem Galica” Paskuqan, pasi gjatë kontrollit të automjetit me të cilin qarkullonte, sherbimet e Policisë gjetën dhe sekuestruan një sasi prej 1 kg e 32 gramë kokainë dhe 39 thika.
Materialet i kaluan Prokurorisë së Rrethit Gjyqësor Tiranë, për veprime të mëtejshme”, tha Policia.
DENONCO