Një shqiptar 35 vjeç është arrestuar në Firence të Italisë, pasi ka tentuar të godasë me thikë një ushtar.
Mediat italiane shkruajnë se ngjarja ka ndodhur dje në lokacionin Barberino del Mugello.
Mësohet se shqiptari ka hyrë në kazermën e ushtarëve, ka nxjerrë thikën e ka tentuar të godasë një prej ushtarëve, që gjendej aty. Nuk dihet pse i riu nga Shqipëria ka kryer veprimin, por se raportohet se ai ka bërtitur para ngjarjes “më arrestoni”.
Menjëherë ndërhyri policia dhe e arrestoi për dhunë ndaj zyrtarëve publikë. Gjykata e Firences e la 35-vjeçarin në burg.
