Një punonjës i Gardës së Republikës është arrestuar pasi po transportonte me makinë refugjatë. Në pranga u vu Dritan Kurra, 50 vjeç, banues në Tiranë. Bashkë me të u arrestua edhe Artur Markogjika, 59 vjeç, banues në Durrës.
“Shërbimet e Policisë, kanë konstatuar në aksin rrugor Pogradec-Prrenjas, në dalje të qytetit të Pogradecit, mjetin tip ‘Chevrolet’, me drejtues punonjësin e gardës dhe pasagjer Artur Markogjikan, me të cilin këta shtetas po transportonin 5 emigrantë të paligjshëm, që kundrejt shpërblimit iu kishin premtuar kalimin drejt vendeve të BE-së”, njoftoi policia këtë të Hënë.
Aksioni u zhvillua nga policia dhe SHÇBA.
